انفلونزا الحمير

السائق 1 : هو المسئول راح فين؟""

السائق 2 : الظاهر مش عارف ان الموكب هيعدي

السائق 1 : لو لم مالحقناش نمشي، الشوارع هتقفل ومش هنعرف نوصل لبيوتنا

السائق 3 : هما هيقفلوا الشوارع؟

أميــر : طبعاً اذا كانوا بيقفلوها ساعات علشان ابن أخت الوزير معدي من شارع على بعد كيلومترات، معقولة ميقفلوهاش علشان رئيس الماك ماك

السائق 1: هو صحيح جاي

السائق 3: أيوة ءبعا انت مل شفتش دول دهنوا العمارات ووزعوا الزهريات، وشالوا كل الاعلانات دول بقالهم شهرين بيعملوا استعدادات،

السائق 1: أيوة بس مين قال أنه جاي النهارده

السائقة 2: الاذاعة قالت الصبح انه خلاص جاي.. ولازم الشوارع تبقى مهوية وأفراد الشعب كله تكون مستحمية

السائق 3: طب فين المسئول.. يفتحلنا ونعدي على طول

السائق 1: تلاقيه قاعد على القهوه

السائقة 2: ولا جالو مشوار على سهوه

سائق 1 : (بصوت عالي) انت يا مسئول (يدخل ضابط)

الضابط: ايه الحكاية صوتكم عالي ليه.. ومتجمعين هنا ليه؟

سائق1: مستنيين جواز المرور علشان ندخل الميدان

الضابط : كل واحد يستنى في عربيته.. مش عايزين تجمع كبير..

السائق2: وتذكرة المرور هانتعفي منها..

الضابط: لا طبعاً ما انتوا عارفين ان لكل شارع بوابة ورسوم لاوم ندفعها بزيادة.. على فكره تذكرة الشارع ده بالذات غليت علشان ركبنا فانوسين جداد

السائق3 : والعمل هانعدي ازاي" دي مش طريقة ولا ده نظام!!

الضابط: جرى ايه انت بتعترض على النظام!! وريني باسبورك (يمسك الباسبور ويتفحصه)

الضابط: انت من المواطنين الصالحين غير المعترضين، واللي بقليلهم راضيين, أمال ايه الدوشه اللي عاملها دي (يعيد الضابط للسائق الباسبور)

السائق 3: لا أبدا يا افندم.. أنا بس مش عايز يفوتني مرور الموكب في التلفاز (يلتفت الضابط للسائقين)

الضابط: اه افتكرت عندك اعتراض.. يالا كل واحد يستني في عربيته, انتم مش خايفين من انفلونزا الحمير؟؟(الضابط يعطس.. فيبتعد كل السائقين)

الضابط: أنا مش هاكرر.. كل واحد على عربيته مش عايزين لا سلام ولا كلام

لا يتحركون فيجيء ضابط من الخلف ويوجه كلامه لأحد الواقفين ولكن بصوت يسمعه الجميع

الضابط 2: على فكرة أنا سمعت ان انفلونزا الحمير بتأثر على النوم في السرير..!!

(يجري السائقين بعيدا ويتخذ كل واحد ركن وحيدا يجلس مؤدباً مقرفصاً في مقعده، ويضع على وجهه ماسك, يبتسم الضابط ويجلس على كرسي قريب ثم يعلو صوت)

ضابط 2: امير محمد امير الغلبان

أمير: ايوة؟

سائق : يابختك

سائق 2 : الوسطة ياعم بلد واسايط

ضابط 2: يا أمير انت مطلوب عند سيادة الوزير علشان ترافق الضيف الكبير رئيس بلاد الماك ماك

أمير: طب والوزير عرفني منين؟

الصوت: بالصدفه كان قدامه طلبك بعتق الحمير

أمير: بس أنا عالم أثار مش موظف استقبال

الصوت: أيوه أيوه ما انت مطلوب تشرح له تارخنا وتواريه عظمتنا

أمير: خلاص اذا كان كده أنا هاجي في ظرف دقيقتين ) يخرج أمير ويظلم المسرح)

فين النص يا استاذ تامررررررررررررررررررررررررررررررررر